(વર્તમાન પ્રવાહ ન્યુઝ નેટવર્ક)
પારડી, તા.04: પારડીના વાઘછીપા ખાતે રહેતા વરિષ્ઠ વકીલ પરભુભાઈ એન. પટેલના ઘરે તારીખ 6 ઓગસ્ટના રોજ 11 કલાકે વકીલ પરભુભાઈ ઘરેથી કોર્ટ જવા નીકળ્યા બાદ બપોરે 1 કલાકે અજાણ્યા ઇસમો કારમાં આવી તેમના ઘરમાં ઘૂસી પત્ની ઝીણુંબેનને બંધક બનાવી મારતા ઝીણું બેને પ્રતિકાર કરતા ચાકુથી ઝીણુંબેન ઘાયલ થયા હતા. આ બનાવમાં લૂંટના ઇરાદે આવેલા ઈસમો ભાગી છૂટયા હતા. જેની ગણતરીના કલાકોમાં પોલીસે આઠ જેટલા આરોપીઓની ધરપકડ કરી હતી પરંતુ આ ગુનામાં સંડોવાયેલો નવમો વોન્ટેડ આરોપી વાસંદા ખાતે હોવાની જાણ થતા પારડી પોલીસે વાંસદા પોલીસની મદદથી શુક્રવારના રોજ ઝડપી લીધો હતો. આ ગુનામાં સંડોવાયેલા આરોપી નીતિન ઉર્ફે નિલેશ ઉર્ફે ભગત નટુભાઈ માંદાભાઈ પટેલ ઉવ 40 રહે નવસારી વાંસદા ભિનારગામ ખડકાળા ફળિયાની આજરોજ પારડી પોલીસે કાયદેસરની ધરપકડ કરી કોર્ટમાં રજૂ કરવાની સાથે રિમાન્ડ મેળવવાની તજવીજ હાથ ધરી છે. આમ ગુનો બન્યાનાટૂંકા ગાળામાં પોલીસ નવ જેટલા આરોપીને ઝડપી લેવામાં સફળતા પ્રાપ્ત કરી છે.
