(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.13: ચીખલી તાલુકામાંથી પસાર થતા રાષ્ટ્રીય ધોરીમાર્ગની બન્ને બાજુએ હાઇવે ઓર્થોરિટી દ્વારા તાજેતરમાં પાણીના નિકાલ માટેના આયોજન વિના મનફાવે તે રીતે ઠેર ઠેર ખોદકામ કરી નિર્માણ કરાયેલ આરસીસીની પાકી ગટરના કામમાં નકરી વેઠ ઉતારી તકલાદી કામ કરાતા મજીગામની સીમમાં ગટરનું ઢાંકણ તૂટી જતા સળિયાનું હાડપિંજર બહાર આવી જતાગણતરીના દિવસોમાં ભ્રષ્ટાચાર ઉજાગર થવા પામ્યો છે. સર્વિસ રોડ અધુરો હોય તેવામાં શેરી રસ્તાના જોડાણ એ અન્ય જાહેર સ્થળોએ કોઈ વ્યવસ્થા ન કરાતા લાખો રૂપિયાના ખર્ચે નિર્માણ કરાયેલ ગટરથી લોકોની સુવિધા વધવાના સ્થાને મુશ્કેલીમાં વધારો થયો છે. ત્યારે આ ગટરનું નિર્માણ સરકારી ગ્રાંટ ખર્ચ કરી તેમાંથી મલાઈ ખાવા માટે જ કરાયું હોય તેવું ફલિત થવા પામ્યું છે.
