(વર્તમાન પ્રવાહ વાપી બ્યુરો)
વાપી, તા.18: કૌશિક હરીયા ટેકનિકલ સેંટર (આઇ.ટી.આઇ.) ખાતે તા.17/10/2024 ના રોજ પ્રમાણપત્ર વિતરણ કાર્યક્રમ યોજાયો હતો. જેમા ચીફ ગેસ્ટ તરીકે વાપી નગરપાલિકાના પ્રમુખ શ્રી પંકજભાઈ આર.પટેલ, કૌશિક હરિયા એજ્યુકેશન ફાઉન્ડેશનના ડાયરેકટર શ્રી ડૉ.સી.કે. પટેલ તથા આઇ.ટી.આઇના ઈન્ચાર્જ પ્રિન્સીપાલ શ્રી વિરેન્દ્રહિંગુ તથા સ્ટાફગણ ઉપસ્થિત રહીને વિવિધ ટ્રેડમાં પાસ થયેલ તાલીમાર્થીને એન.સી.વી.ટી.ના પ્રમાણપત્રો એનાયત કરેલ છે. આ એન.સી.વી.ટી. પ્રમાણપત્રોથી તાલીમાર્થીઓ વિવિધકંપનીમાં જોબ મેળવે છે. જેથી તાલીમાર્થી સ્વનિર્ભર બને છે. તેમજ આ સર્ટીફીકેટ વિદેશમાં જઈને વિવિધ કંપનીમાં જોબ મેળવવા ઘણું જ ઉપયોગી છે. આ કાર્યક્રમને સફળ બનાવવા બદલ પધારેલ મહેમાનો તથા સ્ટાફગણનો આઇ.ટી.આઇના ઈન્ચાર્જ પ્રિન્સિપાલે આભાર વ્યકત કર્યો છે.