(વર્તમાન પ્રવાહ ન્યુઝ નેટવર્ક)
દમણ, તા.18 : આજે પ્રદેશ કાર્યાલય નાની દમણ ખાતે ભાજપ પ્રદેશ સભ્યતા અભિયાનના સંયોજક શ્રી મહેશભાઈ અગરિયા અને સક્રિય સભ્યતા અભિયાનના સંયોજક શ્રી નવીનભાઈ પટેલ દ્વારા પ્રદેશમાં સક્રિય સભ્યો બનાવવાની ઝુંબેશનો પ્રારંભ કરાયો હતો. દરમિયાન દમણ-દીવના પૂર્વ સાંસદ શ્રી લાલુભાઈ પટેલ અને પ્રદેશ ભાજપ પ્રમુખ શ્રી દીપેશભાઈ ટંડેલને પ્રવેશ ફોર્મ ભરાવીને સક્રિય સભ્ય બનાવાયા હતા.
આ સક્રિય સભ્ય ઝુંબેશ હેઠળ, પાર્ટીના કાર્યકર્તાઓએ તેમના રેફરલ નંબર દ્વારા 100થી વધુ ઓનલાઈન પ્રાથમિક સભ્યો બનાવ્યા પછી, તેને પોતે પાર્ટીનો સક્રિય સભ્ય બનાવવામાં આવે છે, આ પ્રક્રિયામાં નોંધણી ઑફલાઇન અને ઑનલાઇન બંને રીતે કરવામાં આવે છે.
