-
પ્લાસ્ટિક મુક્ત દમણવાડા ગ્રામ પંચાયત નિર્માણનો સરપંચ મુકેશ ગોસાવીએ વ્યક્ત કરેલો દૃઢ નિર્ધાર
(વર્તમાન પ્રવાહ ન્યુઝ નેટવર્ક)
દમણ, તા.01
દમણ જિલ્લા પંચાયત દ્વારા ગ્રામ્ય વિસ્તારોમાં સ્વચ્છતા, સિંગલ યુઝ પ્લાસ્ટિકનો વપરાશ બંધ કરવા તથા સુકા અને ભીના કચરાને અલગ તારવી જુદી જુદી કચરાપેટીમાં નાખવા માટેની જાગૃતિ કેળવવા શેરી નાટકો ભજવવામાં આવી રહ્યા છે. જેની કડીમાં આજે દમણવાડા ગ્રામ પંચાયતની ભામટી, દમણવાડા શાળા તથા નવી નગરીમાં શેરી નાટક યોજવામાં આવ્યા હતા.
શેરી નાટકની ટીમે પોતાના અનોખા અંદાજમાં ગ્રામજનોને સ્વચ્છતાથી માંડી સિંગલ યુઝ પ્લાસ્ટિક તથા સુકા અને ભીના કચરાની ઓળખથી લઈ તેને જુદા તારવવાનું ભાવવાહી શૈલીમાં માર્ગદર્શન આપ્યું હતું.
આ પ્રસંગે ઉપસ્થિત રહેલા દમણવાડા ગ્રામ પંચાયતના સરપંચ શ્રી મુકેશ ગોસાવીએ પણ પ્રાસંગિક સંબોધનમાં પ્લાસ્ટિક મુક્ત દમણવાડા ગ્રામ પંચાયતના નિર્ધારનો ઉલ્લેખ કર્યો હતો.
આ પ્રસંગે વિદ્યાર્થીઓ તથા ગ્રામજનો મોટી સંખ્યામાં ઉપસ્થિત રહ્યા હતા.
