(વર્તમાન પ્રવાહ ન્યુઝ નેટવર્ક)
સેલવાસ, તા.18
સેલવાસના કિલવણી નાકા મેઈન બજારમાં આવેલ બેગની દુકાનનું શટર તોડી મોડી રાત્રે ચોરી કરી હોવાની ઘટના પોલીસ સ્ટેશનમાં નોંધાઈ છે.
પ્રાપ્ત વિગત અનુસાર મહાજન બેગ હાઉસ તંબોલી ટાવર દુકાન નંબર 7ના માલિક સુનિલ મહાજન અને એમનો ભાઈ રાત્રે દસ વાગ્યે દુકાન બંધ કરી ઘરે ગયા હતા. સવારે જયારે ફરી દુકાન ખોલવા આવ્યા ત્યારે જોયું કે એમના દુકાનની શટરનું તાળુ તુટેલુ હતું અને દુકાનની અંદરનો સામાન પણ વેર વિખેર હાલતમા હતો.
દુકાન ખોલી જોતા અંદરથી બેગ, ઘડિયાળો અને પરફયૂમની બોટલો ચોરાયેલી જોવા મળી હતી એમણે પોતાની દુકાનમા સીસીટીવી કેમેરા લગાવ્યા છેપરંતુ ચોર એટલા સાતિર હતા. તેઓએ બહારથી જ મેઈન સ્વીચ બંધ કરી દીધી હતી. જેથી સીસીટીવીમાં નહી આવી શકે દુકાન માલિકના જણાવ્યા અનુસાર અંદાજીત 25 હજારનો સામાન ચોરી થયો છે દુકાનમાં રોકડા રૂપિયા રાખતા નથી. જેથી એ બચી ગયા હતા. સુનિલ મહાજન વેપારી એસોસિએશનના જનરલ સેક્રેટરી પણ છે તેઓએ સ્થાનિક વેપારીઓને પણ તાકીદ કરી છે કે આપણા વિસ્તારમાં ચોરોની ટોળુ સક્રિય છે. જેથી દરેક સાવધાન રહે.આ ઘટના અંગે સેલવાસ પોલીસ ફરિયાદ નોંધી વધુ તપાસ હાથ ધરી છે.
Previous post