દીવ, તા.28:
સંઘપ્રદેશના પ્રશાસનશ્રી પ્રફુલભાઈ પટેલના કુશળ નેતૃત્વમાં, ખેલસચિવ શ્રીમતી પૂજા જૈનના માર્ગદર્શન અને દીવ કલેકટર શ્રીમતી સલોની રાયના સહયોગથી આઝાદીના અમૃત મહોત્સવના ઉપલક્ષમાં યુવા કાર્યકર અને ખેલ વિભાગ દીવ દ્વારા તારીખ 29 મી નવેમ્બર 2021 ને સોમવારના દિવસે સવારે 9:00 વાગ્યે સ્પોર્ટસ કોમ્પલેકસ દીવમાં સ્વીમીંગ ચેમ્પીયનશીપ અને સાંજે ચાર વાગ્યે મલાલા ઓડિટોરિયમમાં ફીટનેશ લીગ ચેમ્પિયનશીપનું આયોજન કરવામાં આવ્યું છે.
તરણ સ્પર્ધામાં કુલ 50 સ્પર્ધકો અને ફીટનીશ લીગ ચેમ્પિયનશીપમાં 20 વ્યકિતઓએ પોતાનું નામાંકન કર્યુ છે. આ સ્પર્ધાઓના સફળ આયોજન અને વ્યવસ્થિત સંચાલન માટે ખેલ અધિકારી શ્રી મનિષ સ્માર્ત તથા વિવિધ શાળાઓના શારિરીક શિક્ષકો અને ખેલ વિભાગના ટ્રેનર ભારે જહેમત ઉઠાવી રહ્યા છે.
