વલસાડઃ તાઃ ૩૦: વલસાડની કોર્ટ કમ્પાઉન્ડના પાછળના ભાગે, આર.એન.સી. ફ્રી આઇ હોસ્પિટલની સામેની બાજુ કોર્ટ કમ્પાઉન્ડની દિવાલને લાગુ જગ્યાને પાર્કિંગ માટે વાપરવાના હેતુસર જિલ્લા મેજિસ્ટ્રેટ ક્ષિપ્રા આગ્રેએ ગુજરાત પોલીસ અધિનિયમ હેઠળ મળેલી સત્તાની રૂએ અગાઉ ફક્ત વકીલો અને પક્ષકારો માટે જ વાપરવા ‘પાર્કિંગ ઝોન’ જાહેર કર્યો હતો. જેની મુદત લંબાવાતાં હવે આ હુકમ તા.૨૦/૦૧/૨૦૨૨ સુધી અમલી રહેશે. આ હુકમનો ભંગ કે અનાદર કરનાર શિક્ષાને પાત્ર થશે.
