(વર્તમાન પ્રવાહ ન્યુઝ નેટવર્ક)
સેલવાસ, તા.01
સેલવાસના આમલી વિસ્તારમાં આવેલ સાંઈ મંદિર નજીક એક યુવતી પોતાનું મોપેડ લઈને પસાર થઈ રહી હતી. તે સમયે અચાનક સ્કૂલનો છોકરો રસ્તો ક્રોસ કરવા જઈ રહ્યો હતો. તેને જોતા યુવતીએ મોપેડને બ્રેક મારી તો રસ્તો ભીનો હોવાને કારણે સ્લીપ થઈ ગયું હતું અને યુવતી નીચે પટકાતા ઈજા થઈ હતી. આ ઘટના જોતા આજુબાજુના લોકો દોડી આવ્યા હતા. યુવતીને ઉઠાવી રસ્તાની સાઈડ પર બેસાડી હતી.
બાદમાં 108 એમ્બ્યુલન્સ બોલાવી સારવાર માટે સિવિલ હોસ્પિટલમાં ખસેડવામા આવી હતી. સ્થાનિકોના જણાવ્યા અનુસાર જો યુવતીએ માથામાં હેલ્મેટ નહીં પહેર્યું હોત તો ગંભીર ઈજા થવાની સંભાવના હતી. હેલ્મેટના કારણે યુવતીનો જીવ બચ્યો છે.