જિલ્લા પોલીસ દ્વારા કાર્યરત કરાયેલ ‘નેત્રમ’ કમાન્ડ કન્ટ્રોલ આઈ.સી.એમ.એમ. સોફટવેરની સેવા મૂલ્યવાન સાબિત થઈ રહી છે
(વર્તમાન પ્રવાહ વાપી બ્યુરો)
વાપી, તા.10
વલસાડ જિલ્લા પોલીસ દ્વારા મહત્વના શહેરી વિસ્તારોમાં ‘નેત્રમ’ સી.સી.ટી.વી. કમાન્ડ સેવા કાર્યરત કરવામાં આવી છે. આ સેવા મૂલ્યવાન સાબિત થઈ રહી છે. હાલમાં જ વાપી, ચલા અને વલસાડમાં બે વ્યક્તિઓના લેપટોપ અને પાકીટ જે ગુમ થયેલ તે તેત્ર કમાન્ડ કન્ટ્રોલ ટીમે શોધી આપી તેમને પરત મેળવી આપ્યા હતા.
જિલ્લા પોલીસ દ્વારા શહેરી વિસ્તારમાં મુખ્ય રોડો ઉપર આધુનિક સી.સી.ટી.વી. કેમેરા સિસ્ટમ કાર્યરત કરી છે. તે સીધી કન્ટ્રોલ રૂમ સાથે સંકળાયેલ છે. તેથી જાહેર રોડ ઉપર કોઈ ઘટના ઘટે તો સી.સી.ટી.વી. કેમેરામાં કેદ થઈ જતી હોય છે. તે મુજબ વાપી ચલામાં ડાભેલ ચેકપોસ્ટ પાસે એક ઈસમ રીક્ષામાં લેપટોપ ભૂલી ગયો હતો. જે પોલીસ વિભાગના શ્રી જીતુભાઈ રમેશભાઈએ રીક્ષાવાળાને ફુટેજ આધારે શોધી લેપટોપ પરત મેળવી આપેલ તેવી બીજી ઘટના વલસાડમાં બની હતી. ચાલુ વાહને પાકીટ પડી ગયેલ જે અન્ય વાહન ચાલકે ઉપાડી લીધેલ. આમાં પણઆઈ.સી.એમ.એસ. સોફટવેર આધારે જે વ્યક્તિનું પાકીટ પડી ગયેલું તે પોલીસે શોધી આપ્યું હતું. આમ નાગરિકો માટે ‘નેત્રમ’ કમાન્ડ કન્ટ્રોલ સેવા આશીર્વાદરૂપ પુરવાર થઈ રહી છે.
