પોલીસે રૂા.34,900ના દારૂના જથ્થા સાથે બેની કરેલી અટકઃ ચાર વોન્ટેડ
(વર્તમાન પ્રવાહ વાપી બ્યુરો)
વાપી, તા.16
વલસાડ એલ.સી.બી.ને મળેલી બાતમી આધારે ગતરોજ વાપી કોપરલી ચાર રસ્તા ઉપરથી ગેરકાયદેસર દારૂનો જથ્થો ભરેલી ઈકો સ્પોર્ટ કાર ઝડપી પાડી બે આરોપીની અટક કરી હતી.
એલ.સી.બી.ને મળેલી બાતમી આધારે કોપરલી ચાર રસ્તા વાપી ખાતે વાહન ચેકીંગ અભિયાન હાથ ધર્યું હતું. કાર્યવાહી દરમિયાન બાતમી વાળી ઈકો કાર નં.જીજે 21 એએચ 9251ને અટકાવી પોલીસે ચેકીંગ કર્યું હતું. જેમાં સીટનીચોર ખાનાઓમાંથી 155 નંગ વિવિધ દારૂ બ્રાન્ડની બોટલ મળી આવી હતી. પોલીસે 34900 રૂા.નો મુદ્દામાલ જપ્ત કરી ચાલક અને જોડીદાર મળી બે ની ધરપકડ કરી હતી. જ્યારે દારૂનો જથ્થો ભરાવનાર અને મંગાવનાર ચાર ઈસમોને પોલીસે વોન્ટેડ જાહેર કરી કાયદેસરની કાર્યવાહી કરી હતી.
