Vartman Pravah
Breaking Newsવાપી

વાપી નજીક દેગામ પંચાયતનાચૂંટણી વોર્ડ સભ્‍ય ઉમેદવાર અને પૂર્વ સરપંચ પાંચ દિવસથી રહસ્‍યમય રીતે ગૂમ

પૂર્વ સરપંચ રમણભાઈ હળપતિ અને આ વખતે સભ્‍ય તરીકેના ઉમેદવાર હતા ગત તા.16/12/2021ના રોજ વાપી બાદ ગુમ થઈ ગયા છે

(વર્તમાન પ્રવાહ વાપી બ્‍યુરો)
વાપી, તા.20
વાપી નજીક આવેલ દેગામમાં રહેતા અને પંચાયત ચૂંટણીમાં સભ્‍ય તરીકે ચૂંટણી લડી રહેલા તેમજ પૂર્વ સરપંચ એવા રમણભાઈ હળપતિ છેલ્લા પાંચ દિવસથી રહસ્‍યમય રીતે ગુમ થઈ ગયા હોવાથી સરપંચની ચૂંટણી લડી રહેલ પત્‍ની અને પરિવાર ઉપર આફત આવી પડયાની સ્‍થિતિમાં મુકાઈ ગયો છે.
પ્રાપ્ત માહિતી અનુસાર વાપી પાસે આવેલ દેગામ ગામે રહેતા રમણભાઈ હળપતિ આ વખતે પંચાયતની ચૂંટણીમાં વોર્ડ સભ્‍યની ચૂંટણી લડી રહ્યા હતા. ગત તા. 16ને ગુરુવારે કોઈ કામ હેતુ તેઓ ઘરેથી વાપી જવા નિકળ્‍યા હતા. પરત આવતા જમાઈ કરવડ સુધી મુકી ગયા હતા. ત્‍યાર પછી તેઓ આજદિન સુધી ઘરે પહોંચ્‍યા નથી. અચાનક ચૂંટણી માહોલ વચ્‍ચે રહસ્‍યમ રીતે અચાનક ગુમ થઈ ગયા છે.
ઉલ્લેખનીય છે કે દેગામ પંચાયતની તાજેતરની ચૂંટણીમાં મહિલા અનામત બેઠક હોવાથી તેમના પત્‍ની સવિતાબેન હળપતિ પણ સરપંચ પદે ચૂંટણી લડયા છે. તેમની પૂત્રી પણ વોર્ડ સભ્‍ય તરીકે ચૂંટણી લડી રહી છે. એવા સંજોગો વચ્‍ચે ભેદી રીતેરમણભાઈનું અચાનક ગુમ થવું એ ઘટનાએ પરિવારને હચમચાવી મુક્‍યો છે.
હાલ તો પરિવારે ડુંગરા પોલીસમાં ફરિયાદ નોંધાવી છે. પોલીસે જાણવા જોગ એન્‍ટ્રી પાડી આગળની તપાસ કરી રહી છે. ઘટનાની પાછળ સ્‍થાનિક રાજકરણ તો જવાબદાર નથીને તેવી ચર્ચાઓ પણ ગામમાં ચાલી રહી છે. પરિવાર પાંચ દિવસથી ખાતો-પિતો નથી, ચિંતામાં ડૂબી ગયો છે.

Related posts

દીવ સેવા કેન્‍દ્ર દ્વારા મધર ડેરી જૂનાગઢ ગ્રુપના હેડ ઓફ ડિપાર્ટમેન્‍ટ માટે તનાવ મુક્‍ત જીવન અને મેડિટેશન વિષય પર વર્કશોપ યોજાયો

vartmanpravah

જિલ્લા વિજ્ઞાન કેન્દ્ર ધરમપુરના સહયોગથી એન્જિનિયર્સ એસોસિએશન ઓફ વાપી દ્વારા આકાશ દર્શનનો કાર્યક્રમ યોજાયો

vartmanpravah

ઉમરગામ તાલુકામાં કોંગ્રેસના ઉમેદવાર અનંત પટેલે તેજ કરેલું પ્રચાર અભિયાન

vartmanpravah

ચીખલી પોલીસે ખાંભડા નહેર પાસેથી કુસકીની આડમાં દારૂ લઈ જતો ટેમ્‍પો ઝડપ્‍યોઃ એકની ધરપકડ, બે વોન્‍ટેડ

vartmanpravah

વલસાડ જિલ્લામાં હડતાલ મોકુફ રહ્યાની જાણ ન થતા સી.એન.જી. પમ્‍પ પર વાહનોની ગુરૂવારે કતારો

vartmanpravah

વલસાડ એસ.ટી. બસ ડેપોનું કામ છ વર્ષથી મંદગતિથી ચાલતું હોવાથી મુસાફરો પરેશાન

vartmanpravah

Leave a Comment