(વર્તમાન પ્રવાહ ન્યુઝ નેટવર્ક)
સેલવાસ, તા.20
દાદરા નગર હવેલી ઈન્ડીયન રિઝર્વ બટાલીયનના 22માં સ્થાપના દિવસ નિમિતે લાયન્સ ક્લબ ઓફ વાપી અલ્ફા સહયોગ દ્વારા બટાલિયનના જવાનો અને એમના પરિવારો માટે મેડિકલ કેમ્પ અને રક્તદાન કેમ્પનું આયોજન કરવામા આવ્યું હતું.
કાર્યક્રમનો શુભારંભ ઉપસ્થીત મહેમાનોના હસ્તે દીપ પ્રાગટય કરી કરવામા આવ્યો હતો. આ મેડીકલ કેમ્પમાં અને રક્તદાન કેમ્પમાં મોટી સંખ્યામા જવાનો અને એમના પરિવારોએ ઉત્સાહભેર ભાગ લીધો હતો.
આ અવસરે ડેપ્યુટી કમાન્ડન્ટ શ્રી કે.કે.સલીમ, શ્રી મહાવીર સિંહ રાઠોડ, નૂર મહમદ લાયન્સ ક્લબ ઓફ વાપી કીર્તિ શાહ, ફાલ્ગુની મહેતા સહિત બટાલીયનના જવાનો અને પરિવારના સભ્યો ઉપસ્થિત રહ્યાહતા.
