રાકેશ અમરનાથ અને મહેન્દ્ર ગુપ્તા નામના આરોપીઓ પાસેથી 332 બોટલ દારૂનો જથ્થોમળી આવ્યો
(વર્તમાન પ્રવાહ વાપી બ્યુરો)
વાપી, તા.03
વલસાડ સુરત આવતી જતી ટ્રેનોમાં મબલક પ્રમાણમાં દારૂની હેરાફેરી બિંદાસ ચાલી રહી છે. તેવો વધુ એક બનાવ આજે બન્યો હતો. વલસાડ અને સચીન સ્ટેશન ઉપર આર.પી.એફ.એ સંજાણ-સુરત-મેમુ ટ્રેનમાં દારૂનો જથ્થો લઈ જઈ રહેલા બે ખેપીયાઓને ઝડપી પાડી જેલ ભેગા કર્યા હતા.
સંજાણ-સુરત મેમુ સહિત અન્ય રાત્રિના સમયે સુરત તરફ જતી ટ્રેનોમાં ખાસ કરીને વાપી, ભિલાડ જેવા સ્ટેશનોથી દારૂનો જથ્થો પોલીસની રહેમ નજર હેઠળ નિયમિત સુરતમાં કે સચિનમાં ઠલવાતો હોવાનું નેટવર્ક ધમધમી રહ્યું છે. આજે સંજાણ સુરત મેમુ ટ્રેનમાં આર.પી.એફ.એ રાકેશ અમરનાથ અને મહેન્દ્ર ગુપ્તા નામના ઈસમો પાસેથી કુલ 33ર બોટલ દારૂનો જથ્થો પોલીસે ઝડપી પાડયો હતો. બંને આરોપીઓ વિરુદ્ધ વલસાડ રેલ્વે પોલીસમાં ગુનો દાખલ કરીને આગળની કાર્યવાહી પોલીસે હાથ ધરી હતી.
