ડો.કૃણાલ શાહ પત્ની અને પૂત્ર ભાઈના ઘરેથી પરત ફરી વાપી આવતા ઘટેલી ઘટના
(વર્તમાન પ્રવાહ વાપી બ્યુરો)
વાપી, તા.22: વાપીનો તબીબ પરિવાર ટુકવાડા સબંધીને ઘરેજવા મર્સિડીઝ કાર લઈને નિકળ્યો હતો. બાદમાં વાપી પરત ફરતા હતા ત્યારે હાઈવે ઉપર અજાણ્યા ટ્રકે મોઘીદાટ કારને ટક્કર મારી ભાગી ગયો હતો. કાર સવાર માતા-પુત્રને સદ્દનસીબે કોઈ ઈજા પહોંચી નહોતી.
પ્રાપ્ત વિગતો મુજબ વાપીના ડો.કૃણાલ શાહના પત્ની મોનીબેન શાહ અને પુત્ર વંશ શાહ આજે સવારે ટુકવાડા ભાઈના ઘરે મળવા ગયા હતા. મળીને બપોર પછી વાપી પરત આવવા કારમાં નિકળ્યા હતા ત્યારે હાઈવે ઉપર મર્સિડીઝ કાર નં.જીજે 05 જે.ઈ. 7701 ને અજાણ્યો ટ્રક ચાલક ટક્કર મારી ભાગી છૂટયો હતો. ઘટનાની જાણ મોનીબેનએ ભાઈ અભય શાહને કરતા અભયભાઈએ 100 નંબર પર ડાયલ કરી પોલીસને જાણ કરી હતી. પોલીસે અજાણ્યા ટ્રક ચાલક વિરૂધ્ધ ગુનો નોંધી આગળની તપાસ હાથ ધરી હતી. અકસ્માતમાં માતા-પુત્રનો હેમકેમ બચાવ થયો હતો. જો કે કારને નુકશાન થવા પામ્યું હતું.
