(વર્તમાન પ્રવાહ ન્યુઝ નેટવર્ક)
સેલવાસ,તા.01: સેલવાસ-નરોલી રોડ પર ત્રણ બંગલા સામે એક વ્યક્તિ રાત્રી સમયે વોકિંગ માટે નિકળ્યા હતા, તે સમયે પાછળથી પુરઝડપે પસાર થઈ રહેલ ઇકો કારના ચાલકે ટક્કર મારતા ગંભીર ઇજા થઈ હતી. જેમને હોસ્પિટલમાં લઈ જતા સારવાર દરમ્યાન મોત થયું હતું.
પ્રાપ્ત વિગત અનુસાર શરદ શિંદે (ઉ.વ.42) રહેવાસી કસ્તુરી એપાર્ટમેન્ટ, સેલવાસ જે રાત્રે જમ્યા બાદ વોકિંગ માટે નીકળ્યા હતા તે દરમિયાન પાછળથી આવતી ઇકો કારચાલકે ટક્કર મારતા માથા અને શરીરના ભાગે ગંભીર ઇજા થઈ હતી. ટક્કર મારનાર ઇકો કારનો ચાલક ઘટના સ્થળે ટોળુ ભેગુ થતાં ફરાર થઈ ગયો હતો. આ ઘટનાની જાણ થતા પોલીસની ટીમ અને 108 એમ્બ્યુલન્સ આવી હતી અને શરદ શિંદેને સારવાર અર્થે સેલવાસની શ્રી વિનોબા ભાવે સિવિલ હોસ્પિટલમાં લઈ જવામાં આવ્યા હતા જ્યાં તેમનું સારવાર દરમ્યાન મોત થયું હતું.
