November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

પારડીના કીકરલા ખાતે મળેલ લાશનો કલાકોમાં જ ભેદ ઉકેલથી પારડી પોલીસ: પુત્ર એ જ પિતાની કરી હતી હત્‍યા

લંપટ પિતા કરતો હતો વહુની છેડછાડ : પુત્ર એ યુપીથી બોલાવી કરી હત્‍યા

(વર્તમાન પ્રવાહ ન્‍યુઝ નેટવર્ક)
પારડી, તા.04: પારડી તાલુકાના કિકરલા કોરીવાડ ખાતે આવેલ સિયાર ખાડીના કિનારે અવાવરું જગ્‍યાએથી એક 66 વર્ષીય વૃદ્ધના માથાના ભાગે તથા શરીરના અન્‍ય ભાગે ઈજા થયેલ હાલતમાં લાશ મળી આવી હતી.
પારડી પોલીસ સ્‍ટેશનના પી.આઈ. બીજે સરવૈયા અને અન્‍ય પોલીસ સ્‍ટાફ ઘટના સ્‍થળે પહોંચી તપાસ દરમિયાન ઘટના સ્‍થળે લોહીના ડાઘા તથા મરનારનાશરીરને પણ ઈજાના નિશાન હોય શંકાસ્‍પદ જણાતી આ લાશને ઓરવાડ પીએસસી ખાતે પી.એમ. કરાવી વધુ તપાસ હાથ ધરી હતી.
આ દરમિયાન પીએમ રિપોર્ટમાં ગળું દબાવી હત્‍યા થઈ હોવાનું બહાર આવતા પારડી પોલીસે મૃતકના ખિસ્‍સામાંથી મળેલ મોબાઈલ નંબર પર ફોન કરતા દમણ ખાતે કામ કરતા મૃતકના ભત્રીજા અનિલ ઉર્ફે અર્જુન ભરતભાઈ રાઠોડે મૃતક પરશુરામનો પુત્ર દેશરાજ પરશુરામ રાઠોડ ઉદવાડાગામ ખાતે જીમી મિષાીના ત્‍યાં વોચમેન તરીકે કામ કરી ત્‍યાં જ રહેતો હોવાની માહિતી મળતા પારડી પોલીસ મૃતકના પુત્ર દેશરાજને તપાસ અર્થે પારડી પોલીસ સ્‍ટેશને લઈ આવી હતી.
તપાસ દરમિયાન પુત્ર દેશરાજે પોતાના પિતા પરશુરામની હત્‍યા કરી હોવાનું જણાવતા કહ્યું હતુ કે હું છેલ્લા કેટલાક સમયથી પારડી તાલુકાના ઉદવાડાગામમાં વોચમેનની નોકરી કરી અહીં જ રહું છું. જ્‍યારે મારી પત્‍ની ત્રણ બાળકો અને મારા પિતા સાથે યુપીમાં રહેતી હોય એક પુત્રી સમાન વહુને પિતા છેડછાડ કરી બે મહિનાથી હેરાન કરતા હોય આ અંગેની જાણ વારંવાર પત્‍નીએ પોતાના પતિ દેશરાજને કરતા દેશરાજે પોતાના પિતા પરશુરામને નોકરી અને દવા આપવાના બહાને ઉદવાડા ખાતે બોલાવી અગાઉથી જોઈ ગયેલ કિકરલા કોળીવાડની આ સિયાર ખાડીના પુલ પાસે લઈ જઈ માથામાં લાકડાનાફટકાઓ મારી લોહી લુહાણ કરી ગળું દબાવી હત્‍યા કરી લાશ ખાડીમાં નાખી હોવાનું કબુલતા પારડી પોલીસ હત્‍યારા પુત્રની ધરપકડ કરી જેલને હવાલે કરી દીધો હતો.
આમ પારડી પોલીસે ગણતરીના કલાકોમાં જ એક હત્‍યાનો ગુનો ઉકેલી એક સિદ્ધિ પ્રાપ્ત કરી હોય અભિનંદનને પાત્ર છે.

Related posts

ધરમપુરના નગારીયામાં રાષ્‍ટ્રીય ગ્રંથાલય સપ્તાહ ઉજવણી નિમિત્તે પુસ્‍તક પરબ ખુલ્લુ મુકાયું

vartmanpravah

વલસાડ પારનેરામાં રહેતા વિધર્મી યુવાને સોશિયલ મીડિયામાં પાકિસ્‍તાન ઝીંદાબાદનો વિડીયો અપલોડ કર્યો

vartmanpravah

દમણમાં ઈન્‍ટર સ્‍કૂલ કબડ્ડી સ્‍પર્ધાએ જમાવેલું આકર્ષણઃ અંડર-17 શ્રેણીમાં કુલ 22 સ્‍કૂલ ટીમોએ લીધેલો ભાગ

vartmanpravah

અયોધ્‍યા ખાતે યોજાનારા ઐતિહાસિક શ્રી રામ જન્‍મ ભૂમિ પ્રાણ પ્રતિષ્‍ઠા મહોત્‍સવના ઉપલક્ષમાં સોમવાર તા.22મી જાન્‍યુ.એ સંઘપ્રદેશ દાનહ, દમણ અને દીવ જિલ્લામાં દારુ-બિયરની દુકાનો અને નોનવેજનું વેચાણ બંધ રહેશે

vartmanpravah

લાઈસન્‍સ વિનાના વ્‍યાજખોરો હવે થશે જેલ ભેગા : શરૂઆતમાં જ સફળતા પ્રાપ્ત કરતી પારડી પોલીસ

vartmanpravah

દમણ જિલ્લાના દમણવાડા મંડળના પ્રમુખ તરીકે વિષ્‍ણુભાઈ બાબુની વરણી – મગરવાડા મંડળના પ્રમુખ તરીકે ધનંજય બાલુ ધોડીની નિયુક્‍તિ

vartmanpravah

Leave a Comment