(વર્તમાન પ્રવાહ ન્યુઝ નેટવર્ક)
સેલવાસ, તા.21 : દાદરા નગર હવેલીમાં પારદર્શક, ન્યાયી અને ભયમુક્ત ચૂંટણી યોજી કાયદો અને વ્યવસ્થાની તમામ સ્થિતિને પહોંચી વળવાના સંદેશ સાથે આજે પ્રદેશના ચૂંટણી વિભાગના માર્ગદર્શન હેઠળ ડી.આઈ.જી.ના દિશા-નિર્દેશ અંતર્ગત દાનહ પોલીસ અને બટાલિયનની ટીમે ફલેગ માર્ચ કાઢી પોતાના અનુશાસનનો પરિચય આપ્યો હતો. ફલેગ માર્ચ સેલવાસ પોલીસ સ્ટેશનથી આમલી ફૂવારા, બાલાજી મંદિર, એકદંત સોસાયટી થઈ રીંગરોડ, ઉલટન ફળિયા સહિત વિવિધ વિસ્તારોમાં ફરી પરત સેલવાસ પોલીસ સ્ટેશન પર આવી હતી.
