દાદરા નગર હવેલીમાં પ્રભાત સ્કોલર્સએકેડેમીનો ડંકોઃ જિલ્લામાં ટોપ થ્રીમાં બે વિદ્યાર્થીઓ
(વર્તમાન પ્રવાહ ન્યુઝ નેટવર્ક)
દમણ, તા.09 : દાદરા નગર હવેલી અને દમણ-દીવમાં ગુજરાત બોર્ડના વિજ્ઞાન પ્રવાહના પ્રથમ ત્રણ ટોપર્સમાં દમણની સાર્વજનિક વિદ્યાલયની બે વિદ્યાર્થીનીઓ અને સેલવાસની પ્રભાત સ્કોલર્સ એકેડેમીના એક વિદ્યાર્થીનો સમાવેશ થાય છે.
દાદરા નગર હવેલી જિલ્લામાં પ્રથમ ક્રમે કુલ 91.14 ટકા સાથે પ્રભાત સ્કોલર્સ એકેડેમીની વિદ્યાર્થીની કુ. અન્સારી તબસ્સુમ પ્રવિણ અબ્દુલ કરીમનો નંબર આવ્યો છે. જ્યારે બીજા ક્રમે પ્રભાત સ્કોલર્સ એકેડેમીની વિદ્યાર્થીની કુ. ગોસ્વામી જાન્વી દિપકગીરી કુલ 89.57 ટકા સાથે આવ્યા છે અને ગવર્નમેન્ટ હાયર સેકન્ડરી સ્કૂલ સેલવાસ અંગ્રેજી માધ્યમના વિદ્યાર્થી શ્રી રિશુ સંજીત પાંડેએ 89.54 ટકા સાથે તૃતિય સ્થાન પ્રાપ્ત કર્યું છે.
દમણ જિલ્લામાં સાર્વજનિક વિદ્યાલય દમણના બે વિદ્યાર્થીઓએ સંઘપ્રદેશ દાદરા નગર હવેલી અને દમણ-દીવના ટોપ થ્રીમાં સ્થાન પ્રાપ્ત કર્યું છે અને દમણ જિલ્લામાં ટોપ થ્રીમાં સ્થાન પ્રાપ્ત કરનારી ત્રણેય કન્યા વિદ્યાર્થીનીઓ છે.
દમણ જિલ્લામાં ટોપ થ્રીમાં સાર્વજનિક વિદ્યાલય દમણની વિદ્યાર્થીની કુ. નિકી મુકેશભાઈ બારિયા 93.28 ટકા સાથે પ્રથમ, સાર્વજનિક વિદ્યાલય દમણની વિદ્યાર્થીની કુ. સાદિયા ખાન 91 ટકા સાથે દ્વિતીય અને ગવર્નમેન્ટ હાયરસેકન્ડરી સ્કૂલ ભીમપોરની વિદ્યાર્થીની કુ. સિંગ સ્નેહા ઓમકારનાથ 89.67 ટકા સાથે તૃતિય સ્થાન પ્રાપ્ત કર્યું છે.
