(વર્તમાન પ્રવાહ વાપી બ્યુરો)
વાપી, તા.08: વાપીમાં ખરાબ સંગતના કારણે આજે યુવા પેઢી ખોટા રસ્તે ચઢી જઈને ખુદની સાથે પરિવારની જીંદગી ખરાબ કરતા હોય છે. કંઈક તેવો બનાવ વાપીમાં બન્યો છે. જુના રેલવે ગરનાળા પાસેથી એસ.ઓ.જી. ચોરેલી મોપેડ સાથે કિશોરને ઝડપી પાડી કાયદેસરની કાર્યવાહી કરી હતી.
વાપી એસ.ઓ.જી.ની સ્પેશિયલ ટીમને બાતમી મળી હતી કે ચોરેલી મોપેડ સાથે એક કિશોર રેલવેના જુના ગરનાળા પાસેથી પસાર થવાનો છે તે મુજબ એસ.ઓ.જી.એ વોચ ગોઠવી વાહન ચેકીંગ કામગીરી હાથ ધરી હતી તે દરમિયાન એક કિશોર જીજે 05 એક્સએક્સ 3232 નંબરની મોપેડ લઈને આવી પહોંચ્યો હતો. પોલીસે વાહનના પેપર માંગેલા, પુરાવા માંગેલા જે કિશોર આપી શક્યો નહોતો તેથી પોલીસે તેની અટક કરી 70 હજારની મોપેડ મુદ્દામાલ સાથે જપ્ત કરી કાયદેસરની કાર્યવાહી કરી હતી.
