(વર્તમાન પ્રવાહ વાપી બ્યુરો)
વાપી, તા.12
વલસાડ જિલ્લાના કપરાડા તાલુકાના ગુજરાત અને દાદરા નગર હવેલી સેલવાસની બોર્ડર ઓઝર ગામે કંપની દ્વારા માર્ગ પર ગેરકાયદે બાંધકામ થકી વાહન વ્યવહાર મુશ્કેલીઓમાં મુકાયા છે.
મીડિયા રિપોર્ટ અનુસાર ગુજરાત અને દાદરા નગર હવેલી સાથે હજારો કામદારો અને ઉદ્યોગ સાથે સંકળાયેલા ભારે વાહનો લઈને અવર જવર થતી હોય છે. સંઘ પ્રદેશ હોવાથી ગુજરાતમાંથી અનેક પ્રવાસીઓ અવર-જવર થતી હોય છે. નેશનલ હાઈવે મોટાપોંઢાથી બોર્ડર 3 કિમિ છે. સંઘ પ્રદેશને જોડતો માર્ગ હોવાથી ભારે માત્રામાં વાહનોની અવર-જવર થતી હોય છે ત્યારે કંપની દ્વારા રોડ માર્જિન દીવાલ કરી વાહનો પાર્કિંગ બનાવવામાં આવ્યું છે. કંપની માલની હેરાફેરી માટે રોડ પર વાહનો ઉભી રાખવામાં આવે છે. મોટાપોંઢા ઓઝર ગામમાં અનેક નાના મોટા અકસ્માત થાય છે. કંપની દ્વારા ગેરકાયદેસર રીતે કરવામાં આવેલ કામ ગ્રામપંચાયત કે માર્ગ અને મકાન વિભાગ દ્વારા કાયદેસરની કાર્યવાહી હાથ ધરવામાં આવે જેથી અકસ્માતની ઘટના બની ના શકે.