બબલુ મોહન (ઉ.વ.20) મોટર સાયકલ પર સવાર હતો ત્યારે સર્જાયોહતો અકસ્માત
(વર્તમાન પ્રવાહ વાપી બ્યુરો)
વાપી, તા.04 વાપી નેશનલ હાઈવે મંગળવારે રાતે અજાણ્યા વાહને મોટર સાઈકલ ચાલકને ટક્કર મારી દેતા ચાલક યુવાનનું ઘટના સ્થળે કરૂણ મોત નિપજ્યું હતું. પોલીસે મૃતક યુવાનની ઓળખ કરી લીધી હતી.
વાપી હાઈવે એટલે સલવાવથી યુપીએલ સુધી અકસ્માતનો રેડઝોન બની ચૂક્યો છે. લગભગ દરરોજ નાના મોટા અકસ્માત નિરંતર સર્જાતા રહે છે તેવો વધુ એક અકસ્માત વાપી હાઈવે વૈશાલી ચોકડીથી નજીકમાં મંગળવારે રાત્રે થયો હતો. હાઈવે ઉપર મોટર સાયકલ ચાલક યુવાનને કોઈ અજાણ્યા વાહને ટક્કર મારી દેતા અકસ્માતમાં યુવાનનું ઘટના સ્થળે મોત નિપજ્યું હતું. ઘટના બાદ જીઆઈડીસી પોલીસ ઘટના સ્થળે પહોંચી કાર્યવાહી હાથ ધરી હતી. જેમાં તપાસ દરમિયાન મૃતકની મોળખ થઈ હતી. મૃતક કરમબેલાનો બબલુ મોહન (ઉ.વ.20) તરીકે થઈ હતી. તેથી પોલીસે પરિવારને જાણ કરતા પરિવાર વાપી આવી પહોંચ્યો હતો. પોલીસે લાશને પી.એમ. માટે મોકલી આપી આગળની તપાસ હાથ ધરી હતી.