દમણના દાભેલ ખાતે નેતાજી સુભાષચંદ્ર બોઝ સ્ટેડિયમ ખાતે રમાઈ રહેલ દમણ પ્રિમિયર લીગ સિઝન-3એ જગાવેલું આકર્ષણઃ રોમાંચક મુકાબલો નિહાળવા અને ખેલાડીઓને પ્રોત્સાહિત કરવાદિન-પ્રતિદિન મહાનુભાવોની રહેતી ઉપસ્થિતિ
(વર્તમાન પ્રવાહ ન્યુઝ નેટવર્ક)
દમણ, તા.16 : દમણના દાભેલ ખાતે નેતાજી સુભાષચંદ્ર બોઝ સ્ટેડિયમ ખાતે રમાઈ રહેલ દમણ પ્રિમિયર લીગ(ડીપીએલ) સિઝન-3 દિન-પ્રતિદિન રોમાંચક અને આકર્ષણનું કેન્દ્ર બની રહી છે. દરરોજ જુદા જુદા અનેક મહાનુભાવો નેતાજી સુભાષચંદ્ર બોઝ સ્ટેડિયમ ખાતે પહોંચી ખેલાડીઓનો ઉત્સાહ પણ વધારી રહ્યા છે.
આજે રમાયેલી એક અન્ય લીગ મેચમાં ધરમ ઈલેવન અને સોની વાઈન્સ વચ્ચે મુકાબલો જામ્યો હતો. જેમાં ધરમ ઈલેવનના ખેલાડી શ્રી ચેતન હળપતિએ ઉત્કૃષ્ટ પ્રદર્શન કરી પોતાની ટીમને જીત અપાવી હતી. દમણ પ્રિમિયર લીગ સિઝન-3ની મેનેજમેન્ટ ટીમ દ્વારા શ્રી ચેતન હળપતિને મેન ઓફ ધી મેચ તરીકે જાહેર કરાયા હતા.
આ પ્રસંગે ડીપીએલ સિઝન-3ના ખેલાડીઓનો ઉત્સાહ વધારવા માટે ઉપસ્થિત રહેલા દમણવાડા ગ્રામ પંચાયતના સરપંચ શ્રી મુકેશ ગોસાવીના હસ્તે શ્રી ચેતન હળપતિને મેન ઓફ ધી મેચની ટ્રોફી સુપ્રત કરવામાં આવી હતી. આ પ્રસંગે ડીપીએલ સિઝન-3ના આયોજકો તરફથી પ્રદેશ ભાજપ સચિવ શ્રી જીજ્ઞેશભાઈ પટેલ પણ ઉપસ્થિત રહ્યા હતા.