(વર્તમાન પ્રવાહ ન્યુઝ નેટવર્ક)
સેલવાસ, તા.10 : દાદરા નગર હવેલીના સેલવાસ વિભાગની પોલીસની ટીમ પેટ્રોલિંગમાં હતી તે દરમ્યાન તેમને મળેલી માહિતી પ્રમાણે નરોલી રોડ એચ.ડી.એફ.સી. બેંક પાસે પહોંચ્યા હતા. જ્યાં સુનિલ રણછોડ પટેલ (ઉ.વ.48) રહેવાસી નાની તંબાડી, તા.પારડી જેની પાસેથી મટકાના જુગારને લગતા કાગળો મળી આવ્યા હતા. પોલીસે સઘન પૂછપરછ કરતા તેણે કબુલાત કરી હતી કે તે મોબાઈલ ફોન પર ઓનલાઈન મટકાનો જુગાર રમી રહ્યો હતો. પોલીસે ઝડપી પાડેલા મટકા જુગારિયા વિરુદ્ધ બોમ્બે જુગાર નિવારણ અધિનિયમની જોગવાઈ હેઠળ ગુનો દાખલ કર્યો હતો અને તેની પાસેથી એક મોબાઈલ સહિત રૂા.13,890ની રોકડ જપ્ત કરી હતી અને સુનિલ રણછોડ પટેલની ધરપકડ કરી વધુ તપાસ સેલવાસ પોલીસ કરી રહી છે.
