(વર્તમાન પ્રવાહ ન્યુઝ નેટવર્ક)
દમણ, તા.17 : આજે કચીગામ ક્રિકેટ ગ્રાઉન્ડ પર સરકારી ઉચ્ચત્તર માધ્યમિક શાળા કચીગામનો વાર્ષિક રમતોત્સવ ખુબ જ ઉત્સાહની સાથેયોજાયો હતો. જેનો શુભારંભ દમણ અને દીવના સાંસદ શ્રી લાલુભાઈ પટેલના હસ્તે ધ્વજારોહણ અને મશાલ પ્રગટાવીને કરવામાં આવ્યો હતો.
આ પ્રસંગે શાળાના આચાર્ય શ્રી ઉમેશ હળપતિને સ્વાગત પ્રવચન કર્યું હતું. દમણ-દીવના સાંસદ શ્રી લાલુભાઈ પટેલે વિદ્યાર્થીઓને અભ્યાસની સાથે રમતગમતમાં આગળ વધવા માટે પ્રોત્સાહિત કર્યા હતા. તેમણે શાળાના તમામ શિક્ષક ભાઈ-બહેનો અને ખાસ કરીને થોડા સમયમાં શાળાના બાળકોને રમત રમવા તૈયાર કરનારા રમત શિક્ષક શ્રી મનોજ પટેલની પ્રશંસા કરી હતી. આ વાર્ષિક રમતોત્સવમાં શાળાના વિદ્યાર્થીઓએ ખુબજ આનંદ અને ઉત્સાહથી ભાગ લીધો હતો તેમની પ્રતિભા દર્શાવી હતી.
