(વર્તમાન પ્રવાહ ન્યુઝ નેટવર્ક)
સેલવાસ, તા.23 : દાનહ જિલ્લા કલેક્ટરશ્રીનાં માર્ગદર્શન હેઠળ પ્રદેશની દરેક પંચાયતોમાં રોજગાર મેળાનું આયોજન કરવામાં આવ્યું હતું. જેમાં દૂધની અને કૌંચા ગ્રામ પંચાયતના કોમ્યુનિટિ હોલ ખાતે આયોજીત રોજગાર મેળામાં યુવાન-યુવતિઓ મોટી સંખ્યામાં ઉપસ્થિત રહ્યા હતા. બન્ને પંચાયતમાંથી કુલ 27 અરજી મળી હતી. જે અરજી ડિરેક્ટર ઈન્ડસ્ટ્રીઝના ઓફિસર શ્રી આશિષ દ્વારા સ્વીકારવામાં આવી હતી અને નોકરીવાંચ્છુ યુવાન ભાઈ- બહેનોને નોકરી માટે તેમની અરજીઓનુંવેરિફિકેશન બાદ યુવક-યુવતિઓને જરૂરી માર્ગદર્શન આપવામાં આવ્યું હતું. જેમાં સરકારી કચેરીમાં/ઈન્સ્ટ્રીઝમાં નોકરી મેળવવા માટે કોર્ષ કરવા માટે માહિતગાર કરવામાં આવ્યા હતા અને નોકરી આપવામાં આવી હતી. આ રોજગાર મેળામાં બંને ગ્રામ પંચાયતના સરપંચ, જિલ્લા પંચાયત સભ્ય, પંચાયત સભાસદો અને અધિકારીઓ ઉપસ્થિત રહ્યા હતા.
