(વર્તમાન પ્રવાહ ન્યુઝ નેટવર્ક)
દમણ, તા.26 : દમણ-દીવ લોકસભા બેઠકના ભાજપના ઉમેદવાર શ્રી લાલુભાઈ પટેલ આવતી કાલ તા.27મી માર્ચથી પરિયારી ગ્રામ પંચાયત વિસ્તારમાં પોતાના ડોર ટુ ડોર ચૂંટણી પ્રચાર અભિયાનની શરૂઆત કરશે.
પ્રાપ્ત માહિતી પ્રમાણી આવતી કાલે સવારે 9:00 વાગ્યે પરિયારી ગ્રામ પંચાયતના નાયલા પારડી ખાતે ચેડુ માતા મંદિરના દર્શન સાથે દમણ-દીવ લોકસભા બેઠકના ભાજપના ઉમેદવાર પોતાના ડોર ટુ ડોર પ્રચારને આગળ ધપાવશે. જેમાં જોડાવા માટે કાર્યકર્તા ભાઈ-બહેનોને પક્ષ દ્વારા અપીલ કરાઈ છે.