(વર્તમાન પ્રવાહ ન્યુઝ નેટવર્ક)
સેલવાસ, તા.08 : સેલવાસના પ્રમુખ વિહાર સોસાયટી પાસેના એટીએમમાંથી રતિલાલ યેલિસ રહેવાસી જીગ્નેશભાઈની ચાલ ઉલ્ટન ફળિયા, સેલવાસ. મૂળ રહેવાસી ધુલીયા, મહારાષ્ટ્ર જેઓ પૈસા ઉપાડવા ગયા હતા, ત્યારે એમની પાછળ ઉભેલા અજાણ્યા વ્યક્તિએ પાસવર્ડ જોઈ લીધો હતો. પૈસા ઉપાડવા આવેલ વ્યક્તિ હડબડાટમાં હતો તેનો લાભ લઈ પાછળ ઉભેલ વ્યક્તિએ એટીએમ કાર્ડ બદલી લીધો હતો. પૈસા ઉપાડવા આવનાર વ્યક્તિ એટીએમ કાર્ડ પોતાના ખિસ્સામાં મૂકી ચાલી ગયા હતો અને જ્યારે ઘરે પહોંચ્યા ત્યારે જોયું તો એમનો કાર્ડ બદલાઈ ગયો હોવાનું જણાયું હતું.
ભોગ બનેલા રતિલાલે વિચાર્યું કે સવારે બેંક પર જઈ કાર્ડને બ્લોક કરાવી દઈશ, બીજા દિવસે જ્યારે બેંકમાં પાસબુકમાં એન્ટ્રી કરાવી ત્યારે ખબર પડી કે એમના એટીએમ દ્વારા 30હજાર રૂપિયા રોકડા ઉપાડી લીધા હતા અને ટોકરખાડા સ્થિતલેન્ડમાર્કમાં બે દુકાનમાંથી ઈંનર વર્લ્ડમાંથી 1485 રૂપિયા અને પીટર ઇંગ્લેન્ડમાંથી 15891 રૂપિયાની શોપિંગ કરવામાં આવી હતી. રતિલાલે દુકાનમાં જઈ ત્યાંથી કાર્ડનો ઉપયોગ કરનાર વ્યક્તિનો સીસીટીવી ફુટેજમાંથી ફોટો કાઢી લઈ સેલવાસ પોલીસ સ્ટેશનમાં ફરિયાદ અરજી સાથે આપી હતી અને આરોપીને જલ્દીથી જલ્દી પકડી પાડવામાં આવે એવી માંગ કરી છે.
