(વર્તમાન પ્રવાહ ન્યુઝ નેટવર્ક)
દમણ, તા.15 : આવતી કાલે સવારે 10:00 વાગ્યે દમણ અને દીવ લોકસભા બેઠક ઉપર શ્રી ઉમેશભાઈ પટેલ પોતાની અપક્ષ ઉમેદવારી કરવાના હોવાનું જણાવાયું છે. તેમણે અસત્ય સામે સત્યની લડાઈ અને અન્યાયીઓ સામે ન્યાયી લડાઈનું એલાન કરી ‘સચ્ચે કો ચૂને, અચ્છે કો ચૂને’ના સ્લોગન સાથે આવતીકાલે મોટી દમણ ફિશ માર્કેટ પાસે ઉપસ્થિત રહેવા કાર્યકરોને આહ્વાન કર્યું છે.
અત્રે યાદ રહે કે, 2019ની લોકસભા ચૂંટણીમાં શ્રી ઉમેશભાઈ પટેલે કરેલી અપક્ષ દાવેદારીથી ભાજપ અને કોંગ્રેસના ઉમેદવારોની ઉંઘ હરામ થઈ હતી અને તેમને 19 હજાર કરતા વધુ મત મળતાં કોંગ્રેસના ઉમેદવાર શ્રી કેતનભાઈ પટેલનો પરાજય થયો હતો અને ભાજપના શ્રી લાલુભાઈ પટેલે ખુબ જ સરળતાથી પોતાના વિજયની હેટ્રિક લગાવી હતી.
