(વર્તમાન પ્રવાહ ન્યુઝ નેટવર્ક)
સેલવાસ, તા.18 : દાદરા નગર હવેલીમાં છેલ્લા બે દિવસથી વાદળછાયા વાતાવરણ અને ગાજવીજ સાથે સામાન્ય વરસાદ પડી રહ્યો છે. સેલવાસના શહેરી વિસ્તાર કરતા ખાનવેલ વિસ્તારમાં સારો વરસાદ થવાને કારણે ખેડૂતો પણ વાવણીમાં જોતરાઈ ગયા છે. ખેડૂતો ડાંગર, નાગલી સહિત કઠોળની વાવણી કરી રહ્યા છે.
દાનહ હવામાન વિભાગના આંકડા પ્રમાણેસેલવાસમાં 6.2એમએમ 0.24ઇંચ વરસાદ અને ખાનવેલમાં 65એમએમ 2.56ઇંચ વરસાદ વરસી પડયો છે. સિઝનનો કુલ વરસાદ સેલવાસમાં 47.4એમએમ 1.87ઇંચ અને ખાનવેલમાં 163.9એમએમ 6.45ઇંચ થયો છે. મધુબન ડેમનું લેવલ 66.25મીટર છે જ્યારે ડેમમાં પાણીની આવક ઝીરો ક્યુસેક છે અને પાણીની જાવક 353ક્યુસેક નોંધાઈ છે.
