‘એડવોકેટ ઓન રેકોર્ડ પરીક્ષા પાસ કરનારા દાદરા નગર હવેલી અને દમણ-દીવના પ્રથમ એડવોકેટ બનેલા ભૂષણ ઓઝા
(વર્તમાન પ્રવાહ ન્યુઝ નેટવર્ક)
નવી દિલ્હી, તા.13 : દમણના શ્રી ભૂષણ મહેન્દ્ર ઓઝાએ દેશની સર્વોચ્ચ અદાલત સુપ્રિમ કોર્ટ દ્વારા લેવાતી પ્રતિષ્ઠિત ‘એડવોકેટ ઓન રેકોર્ડ’ પરીક્ષા પાસ કરતા સમગ્ર પંથકમાં આનંદની લાગણી છવાઈ છે. તેઓ દાદરા નગર હવેલી અને દમણ-દીવમાં એડવોકેટ ઓન રેકોર્ડ(એ.ઓ.આર.)ની પરીક્ષા પાસ કરનારા પહેલાં વકિલ છે. શ્રી ભૂષણ ઓઝા છેલ્લા 10 વર્ષથી સુપ્રિમ કોર્ટમાં પ્રેક્ટ્સિ કરે છે અને તેઓએ મુંબઈ યુનિવર્સિટીથી એલ.એલ.બી.નો અભ્યાસ કરેલ છે. શ્રી ભૂષણ ઓઝાની ક્રિમિનલ લૉ, પ્રોપર્ટી લૉ, મેટ્રિમોનિયલ લૉ સહિતની વિવિધ શાખામાં મહારથ હાંસલ છે.
દમણના રહેવાસી એવા શ્રી ભૂષણ મહેન્દ્ર ઓઝાની માતા શ્રીમતી રજનીબેન મહેન્દ્ર ઓઝા દમણમાં પ્રાથમિક શિક્ષિકા તરીકે નોકરી કરી નિવૃત્ત થઈ ચુક્યા છે.